Laboratoriya

Laboratoriya klinikamızda müxtəlif növ müayinələrin (ümumi kliniki, biokimyəvi, immunoloji, mikrobioloji, hormonal və s.) həyata keçirilməsi üçün nəzərdə tutulmuşdur. Laboratoriya xəstəxananın zəruri və ən vacib sahələrindən biridir. Xəstəxanada mövcud olan beynəlxalq standartlara cavab verən laboratoriya avadanlıqları bir çox xəstəliklərin və patoloji halların diaqnozu və müalicənin ən yüksək səviyyədə hərtərəfli araşdırılmasına imkan verir. Laboratoriya bölməsinin tibbi personalı müxtəlif sahələr üzrə yüksək tibbi biliklərə malikdir. Laboratoriya Yaponiya, ABŞ, Almaniya və s. ölkələrin aparıcı şirkətlərinin istehsalı olan yüksək texnologiyalı və keyfiyyətli avadanlıqlarla təchiz olunmuşdur. Müayinələrin hər birinin ayrıca təlimatı hazırlanır və analizlər həmin təlimat əsasında həyata keçirilir. Müasir analizatorlarla təchiz olunmuş laboratoriyada daxili kontrol sistemi mövcuddur. Xarici kontrol sisteminə qoşulmaq planlaşdırılır. Klinikamızda beynəlxalq standartlara cavab verən, avtomatik analizatorlarla təchiz olunmuş laboratoriya bölməsi fəaliyyət göstərir. Laboratoriya bölməmizdə aşağıdakı xidmətlər mövcuddur: Qan (ümumi, klinik, biokimyəvi, şəkər, hormonlar); Nəcis (ümumi, disbakterioza görə); Sidik; İnfeksiyalar; XİQ də daxil olmaqla, hamiləlik zamanı bütün analizlər Genetik müayinə (PCR, DNT) Qeyd: Bu siyahı klinika tərəfindən doldurulmalı və təsdiqlənməlidir.

Endokrinologiya

Endokrinologiya daxili sekresiya vəzilərindən ifraz olunan kimyəvi maddələr olan hormonları öyrənən elm sahəsidir. Hormonlarımız bədənimizdəki kimyəvi hadisələrin və hüceyrələr arası əlaqənin əsas mesajçiları hesab olunur. Daxili sekresiya vəziləri endokrin sistemi təşkil edir. Endokrin sistem bədənin hər tərəfinə səpələnmişdir və əsas olanları aşağıdakı kimi sadalanır: Hipotalamus və hipofiz Tiroid (Qalxanabənzər vəzi) Paratiroid (Qalxanabənzər ətraf vəziləri) Mədəaltı vəzi Böyrəküstü vəzilər Yumurtalıqlar və testislər Bədənə qəbul edilən qidaların bir sıra reaksiyalardan keçərək lazımlı enerjiyə və orqanizmamız üçün lazım olan maddələrə çevrilməsi prosesi isə "metabolizma" olaraq adlanır. Hormonlar metabolizmamızın tənzimlənməsində mühüm rol oynayır. Endokrinologiya və metabolik xəstəliklər hormonların artıqlığı, hormonların çatışmazlığı və ya ifraz olunmaması və ya hormonların təsirinin azalması, daxili sekresiya vəzilərinin struktur pozğunluqları, şəkərli diabet, piylənmə, karbohidrat, yağ və zülal mübadiləsinin pozulması ilə bağlı patologiyaları araşdırır. Endokrin sistem xəstəlikləri olduqca genişdir. Çox rast gəlinən xəstəliklər aşağıdakılardır: Diabet (Şəkər xəstəliyi) Hipoqlikemiya (aşağı qan şəkəri) Piylənmə Hipotiroidizm (qalxanabənzər vəzinin zəif işləməsi) Hipertiroidizm (qalxanvari vəzin həddindən artıq işləməsi) Zob Haşimoto xəstəliyi Tiroid vəz düyünləri Tiroid vəz xərçəngi Yağ metabolizması pozğunluqları (qan yağlarının xolesterin trigliserid artıqlığı) Endokrin hipertoniya (yüksək qan təzyiqi) Metabolik sindrom Prolaktin hormonunun artıqlığı Hipofiz adenoması Akromeqaliya (böyümə hormonu artıqlığı) Hipofiz vəzi hormon çatışmazlığı Cushing sindromu (kortizol hormonunun artıqlığı) Adisson xəstəliyi (kortizol hormonu çatışmazlığı) Adrenal törəmə (böyrəküstü vəzi şişləri) Osteoporoz (sümük kütləsində azalma) D vitamini və digər vitaminlərin çatışmazlığı Hiperparatiroidizm (paratiroid hormonunun artıqlığı) Hipoparatiroidizm (paratiroid hormon çatışmazlığı) Polikistik yumurtalıq sindromu Hirsutizm (qadınlarda tüklənmə artışı) Ginekomastiya (kişilərdə süd vəzilərinin böyüməsi) Hipoqonadizm (cinsiyyət hormonlarının çatışmazlığı)    

Ozonoterapiya

Pasiyentə həkimin təyin etdiyi dozada ozon qazı verilərək aparılan müalicə üsuludur. Ozonoterapiyanın təsiri elmi araşdırmalarla təsdiq edilmişdir. Həyat keyfiyyətini artırmaqdan tutmuş göz xəstəliklərinin müalicəsinə qədər bir çox sahədə istifadə edilir. Kimlərə tövsiyyə edilir: İnfeksion xəstəliklər İmmun sistemini gücləndirmək Şəkərli diabet Hipertenziya Yuxu rejiminin, yuxu keyfiyyətinin bərpası Xroniki yorğunluq Depressiya Allergik xəstəliklər Revmatizm Xərçəng Qaraciyər problemləri Yara, Akne, Ləkə, Psoriaz, Kosmetik Hepatit B və C Anti-age                                                 Diqqət əsikikliyi, hiperaktivlik   Kimlərə Olmaz: Hamilələrə Favizm – paxlalılara allergiyası olanlara Transplantasiya əməliyyatı olunmuş xəstələrə Huşunu itirmiş insanlara.   Klinikamızda icra edilən ozonoterapiya ən son standartlara cavab verən müasir cihazlarla aparılır. S/F - serum fizioloji, Major – 1 dəfəlik qan ozonlamadan tutmuş, ardıcıl birdəfəyə - 10 dozanın ən yeni üsulla ozonlanaraq tətbiqinə qədər icra edilir. Fərdi tərtib edilmiş dozalama, bu müalicə üsulunu təhlükəsiz və effektiv edir. İstifadə edilən bütün ləvazimatlar ozona dözümlü, steril və təhlükəsizdir.

Kardiologiya

Kardiologiya – tibbin ürək-damar sisteminin xəstəliklərinin diaqnostika, müalicə və profilaktikası ilə məşğul olan bir sahəsidir. Kardiologiya kliniki təbabətin ürək-damar sisteminin müxtəlif yaş dövrlərində anatomik-fizioloji, fiziki və psixi xüsusiyyətlərini, ürək damar sisteminin xəstəliklərini, onların diaqnostika, müalicə və profilaktika üsullarını öyrənən sahəsidir. Ürək-damar sistemi problemlərilə həkim kardioloq məşğul olur. Yalnız həkim kardioloq kardioloji xəstəliklərin düzgün diaqnostikasını apara və müvafiq müalicə təyin edə bilər.   Ürək-damar sistemi xəstəlikləri Taxikardiya bəzən müxtəlif emosiyaların təsiri kimi sağlam şəxslərdə də ola bilər. Ürək nayihəsində ağrı tac damarlarının keçidinin daralması nəticəsində miokardın qanla yaxşı təchiz olunmaması ilə əlaqədardır.  Təngnəfəslik - karbon qazının çoxluğundan tənəffüs mərkəzinin qıcıqlanması nəticəsində baş verir. Qanın oksigenlə lazımınca dolmaması və karbon qazının çoxluğu kiçik qan dövranında durğunluğun nəticəsidir. Fiziki iş gördükdə taxikardiya ilə birlikdə təngnəfəsliyin əmələ gəlməsi ürək çatışmazlığının başlanmasının ilk əlamətlərindəndir.  Ürəyin işemik xəstəlikləri - qan dövranının müxtəlif dərəcədə pozulması olan stenokardiya, miokard infarktı və kardioskleroz aiddir. Stenokardiya - tac damarlarında qan dövranının pozulması ilə əlaqədar olub, cavan və ahıl yaşlı insanlarda müşahidə olunur. Əsas əlaməti ürək və ya döşarxası nayihələrdə tutmaşəkilli ağrı və onun sol qola, kürəyə, boyuna vurması, bir neçə dəqiqədən bir neçə saata qədər davam etməsidir.  Miokard infarktı - tac damarlarından birinin çox daralması, trombla tutulması nəticəsində ürək əzələsinin müəyyən nahiyəsinin nekrozudur (ölməsidir). Adətən, tac arteriyalarının aterosklerozu, hipertoniya xəstəliyi və s. miokard infarktına gətirib çıxarır. Şiddətli həyəcan təsirindən də infarkt baş verə bilər. Əksər hallarda 40-60 yaşlı, bəzən isə cavanlarda da xəstəlik müşahidə olunur. Miokard infarktının əsas əlaməti döş sümüyünün arxasında, ürək nayihəsində stenokardiyaya xas 20-30 dəqiqə, bəzən bir saat davam edən şiddətli, dözülməz ağrıdır. Ürək astması - kəskin ürək çatışmazlığından biridir. O, boğulma tutmaları ilə izah olunur. Hipertoniya, kəskin diffuz nefrit, miokard infarktı olan və yaşı 50-ni keçmiş kişilər daha çox xəstəliyə meyllidirlər. Xəstəliyin səbəblərindən biri sol mədəciyin işinin kəskin çatışmaması, yaxud tənəffüs, qan dövranı və sinir sisteminin vəziyyətində baş verən dəyişikliklərdir. Geniş profilli klinikamızın kardiologiya bölməsində ürək-damar xəstəliklərinin effektiv diaqnostikası, müayinə və müalicəsi yüksəkixtisaslı təcrübəli həkimlər tərəfindən həyata keçirilir. Bölmə kardioloji xəstələrə tam və düzgün diaqnozun qoyulmasına imkan verən ən müasir diaqnostik avadanlıqlarla təchiz olunub. Funksional tibbbin ürək-damar sağlamlığı üçün hansı əhəmiyyəti var? Funksional təbabət ürək-damar sistemi də daxil olmaqla sağlamlıq problemlərinin kök səbəblərini müəyyən etməyə və həllinə yönəlib. Qidalanma: Funksional tibb və ya naturopatiya ürək-damar sisteminin sağlamlığını dəstəkləmək üçün meyvə və tərəvəz, sağlam yağlar və yağsız zülallarla zəngin pəhriz dəyişikliklərini, həmçinin işlənmiş qidalardan, rafinə olunmuş şəkərli və sağlam olmayan yağlardan uzaq durmağı tövsiyə edə bilər. Sağlam ürək üçün pəhriz: Sağlam ürək üçün pəhriz ürək-damar sağlamlığını dəstəkləyən qida maddələri ilə zəngin, doymuş yağlar və emal olunmuş qidaların az olduğu bir pəhrizdir. Sağlam ürək üçün pəhriz nümunəsi:  Həyat tərzinizi dəyişin: Buraya idman etmək, stressi azaltma üsulları və bol yuxu daxil ola bilər. Qida əlavələri: Ürək-damar sisteminin sağlamlığını dəstəkləmək üçün qida əlavələri tövsiyə edilə bilər. Nümunələr arasına ənənəvi olaraq bir çox məşhur multivitaminlərdə və ya onlayn məhsullarda istifadə olunan omeqa-3 yağ turşuları, maqnezium və koenzim Q10 daxildir. Test mərhələsi: Genetik, iltihabi və qida çatışmazlığı kimi ürək-damar xəstəlikləri üçün potensial risk faktorlarını müəyyən etmək üçün xüsusi testlərdən istifadə mümkündür. Bu nəticələrə əsasən, bu risk faktorlarını aradan qaldırmaq üçün fərdi müalicə planları hazırlana bilər. Dərmanlara nəzarət: Bəzi hallarda dərmanlara nəzarət etmək və onların düzgün və təhlükəsiz istifadəsini təmin etmək üçün xüsusi həkimlərlə məsləhətləşirlər. Sağlam ürək üçün pəhriz ürək-damar sağlamlığını dəstəkləyən qida maddələri ilə zəngin, doymuş yağlar və emal olunmuş qidaların az olduğu pəhrizdir. Sağlam ürək üçün sağlam pəhriz nümunəsi: Meyvə və Tərəvəzlər: Müxtəlif rəngli meyvə və tərəvəzlər yemək ürək-damar sağlamlığını dəstəkləyən antioksidanlar və əsas qidaları təmin edə bilər. Gündə ən azı 5 porsiya meyvə və tərəvəz daxil etməyi hədəfləyin. Taxıl bitkiləri: Qəhvəyi düyü, kinoa və tam buğda çörəyi kimi tam taxıllar liflə zəngindir və ürək xəstəliyi riskini azaltmağa kömək edə bilər. Sağlam yağlar: Pəhrizinizə zeytun yağı, avokado, qoz-fındıq və qızıl balıq kimi yağlı balıqlarda olan sağlam yağları daxil edin. Bu yağlar iltihabı azaltmağa və ürək sağlamlığını dəstəkləməyə kömək edə bilər. Yağsız Zülallar: Qırmızı ət yerinə toyuq, hinduşka, balıq, paxlalı bitkilər və tofu kimi yağsız protein mənbələrini seçin. Az yağlı süd məhsulları: Doymuş yağ qəbulunu azaltmaq üçün yağsız süd və az yağlı qatıq kimi az yağlı süd məhsulları seçin. Duz və əlavə şəkərləri məhdudlaşdırın: ürək xəstəliyi riskini artıra bilən duz və əlavə şəkər qəbulunu azaldın. Gündəlik duz qəbulunuzu 2300 milliqrama, əlavə edilmiş şəkərləri isə gündəlik kalorinizin 10%-dən azına qədər məhdudlaşdırmağa çalışın.

Pediatriya

Pediatriya — (yun. paidos – uşaq, treia - müalicə) tibbin uşaq xəstəliklərini, bu xəstəliklərin müalicə və profilaktikasını öyrənən sahəsidir. Böyüməkdə olan uşaq orqanizminin xüsusiyyətləri, yaşla bağlı dəyişiklikləri, uşağa qulluq, eləcə də uşaqlarda rast gəlinən xəstəliklərin gedişini öyrənmək də bu elmin tərkib hissəsidir. Pediatriya bölməmizdə peşəkar həkimlərimiz tərəfindən balaca pasiyentlərimizə tibbi xidmət göstərilir. Yeni doğulan körpələrə ən müasir avadanlıqlarla təchiz edilmiş bölmədə xaricdə təhsil almış təcrübəli pediatr-neonatoloqlar tərəfindən beynəlxalq standartlara cavab verən geniş spektrli xidmətlər göstərilir. Uşaq poliklinikasında sağlam uşaqların fiziki və psixi inkişafına kontrol təqib və beynəlxalq standartlara uyğun planlı və təcili peyvənd proqramları həyata keçirilir. Balaca pasiyentlərimizə göstərilən tibbi xidmətlə yanaşı, analara uşağın sağlamlığı və inkişafı haqqında vacib məlumatlar da verilir ki, bu da tez biz zamanda uşağın sağalmasında və gələcək inkişafında mühüm rol oynayır. Klinikamızın pediatriya bölməsinə 16 yaşa qədər uşaqlarda müşahidə edilən bütün şikayətlər və xəstəliklərlə bağlı bizə müraciət edə bilərsiniz. Allergik və revmatik xəstəliklər Dəri xəstəlikləri Sidik qaçırma Sidik yollarının infeksiyası Tənəffüs xəstəlikləri Mədə ağrısı Qusma Qəbizlik İshal Piylənmə Ana südü və əmizdirmə Sinir-əzələ xəstəlikləri Miqren Uşaqlarda yüksək qızdırma Autizm, spektr pozulması İmmunitet sistemi xəstəlikləri Peyvənd Uşaq peyvəndləri Allergiya və Qidalanma Qida allergiyaları Allergik konyunktivit Allergik xəstəliklər Allergik bronxit Bronxiolit Pnevmoniya Uşaq yoluxucu xəstəlikləri Uşaq qulaq, burun, boğaz xəstəlikləri Uşaqlarda baş ağrısı Uşaq sağlamlığının monitorinqi Uşaq qidalanmasının pozulması Uşaq inkişafı Uşaqlarda yuxu problemləri Uşaqlarda qidalanma problemləri Rutin sağlam körpə və uşaq müayinəsi Uşaq qan xəstəlikləri Diş qıcırdatmaq Saç tökülməsi Hipotiroidizm Diabet və Hipertoniya İnsulin müqaviməti  

Ultrasəs+

Ultrasəs müayinə (sonoqrafiya) – insan bədəninin, demək olar ki, bütün orqanlarının müayinəsi üçün istifadə olunan qeyri-invaziv instrumental müayinə metodudur. Ultrasəs aparatının iş prinsipi səs dalğalarının fərqli toxuma və orqanlardan fərqli şəkildə əks olunma xüsusiyyətinə dayanır. Ultrasəs müayinəsinin səs dalğaları yüksək frekanslı və insan qulağının eşitməyəcəyi dalğalardır. Ultrasəs - tibbin bütün sahələrində istifadə olunan çox faydalı bir görüntüləmə metodudur. Səs dalğaları olduğuna görə bütün insanlar, həmçinin hamilələrdə və yeni doğulan körpələrdə istifadəsi zərərsizdir. Ultrasəs müayinə (USM) səs dalğalarından faydalanaraq daxili orqanların görüntüləmə üsuludur. Son illər ərzində, ultrasəs müayinəsi əvəzolunmaz bir müayinə olaraq tibbə daxil olmuş və orqanizmə zərərsiz olduğunu təsdiqləmişdir. Daha informativ və praktik cəhətdən zərərsiz olan bu metod damarların rəngli doppleri, qarın boşluğu orqanlarının, böyrəklərin, kiçik çanaq orqanlarının, qalxanabənzər vəzinin, ürəyin müayinəsi zamanı geniş istifadə edilir. Klinikamızda beynəlxalq standartlara cavab verən müasir cihazlar elektron çox tezlikli sensorların tam paketi ilə təchiz olunub və bu da ultrasəs müayinəsinin bütün növlərinin icra edilməsinə imkan yaradır. Ultrasəs müayinələri bu sahədə illər ərzində formalaşmış təcrübəyə malik ən yüksək kateqoriyalı həkimlər tərəfindən icra edilir.

Ginekologiya

Ginekologiya (yun. gyne – qadın və logos – elm) klinik təbabətin qadın cinsiyyət sisteminin fiziologiyası, xəstəlikləri və bu xəstəliklərin profilaktikası, diaqnostikası və müalicəsini öyrənən sahəsidir. Ginekologiya elminin məqsədi qadın sağlamlığını qorumaq və ona yardım göstərməkdən ibarətdir. Həkim-ginekoloq qadın həyatının müxtəlif dövrlərində (uşaqlıq, yeniyetmə və yetkin dövrlərdə) qadın sağlamlığının qorunması məsələləri ilə məşğul olur. Ginekoloq qadın cinsiyyət orqanlarının kəskin və xroniki infeksion-iltihabi xəstəlikləri (kalpit, endometrit və. s.), uşaqlıqda, uşaqlıq artımlarında, yumurtalıqlarda, uşaqlıq boynunda əmələ gələn xəstəliklərin, xoşxassəli şiş törəmələrin müalicə və profilaktikasını həyata keçirir. Sonsuzluq və ailə planlaşdırılması ilə bağlı tədbirlərin həyata keçirilməsinə yardım edir. Ginekologiyada funksional (USM, endoskopik və rentgen müayinələr) və laborator (bakterioloji, immunoloji və hormonal müayinələr) diaqnostika üsulları geniş tətbiq olunur. Müalicə üsulunun seçimi və müalicənin ambulator, yaxud stasionar şəraitdə aparılması barədə qərar verilməsi hər bir klinik halın özünəməxsus xüsusiyyətlərindən asılı olur. Mama-ginekologiya bölməsində peşəkar mütəxəssislərimiz tərəfindən ginekoloji xəstəliklərin müalicəsi ilə yanaşı, hamiləlik önü və hamiləlik vaxtı müayinə və müşahidələr, doğuş sonrası təqiblər həyata keçirilməkdədir. Ginekologiyada funksional tibb ilə klassik tibbi yanaşmalar arasındakı fərq nədir? İlk mərhələdə yemək vərdişləriniz, sidiyə getmə, nəcis ifraz tezliyiniz və yeməkdən sonra yaşadığınız problemlər, yuxu müddətiniz, cinsi həyatınız, iş və evdəki vəziyyətiniz, sağlamlıq problemlərinizin ən kiçik detalları dinlənilir. Daha sonra xəstənin müayinəsi ümumi tibbi biliklərimizdən istifadə edilərək ətraflı fiziki müayinə, ardınca ginekoloji müayinə və əlavə görüntüləmə üsulları ilə tamamlanır. İkinci mərhələdə ətraflı laborator müayinələr aparılır. Klassik təbabətdən fərqli olaraq müayinələr daha təfərrüatlıdır və bədəninizdə hər saniyə meydana gələn saysız-hesabsız reaksiyalarda lazım olan fermentləri, vitaminləri və mineralları araşdırmaq çox əhəmiyyətlidir. Son mərhələdə əlimizdə olan məlumatlar araşdırılır və nəticələr pasiyentimizlə paylaşılır. Problemlər müəyyən edilir və müvafiq yanaşmalar ətraflı izah edilir.   Ginekoloji Xəstəliklərdə Funksional Təbabətin Yeri Ümumiyyətlə, funksional tibb xroniki xəstəliklərlə məşğul olur. Xüsusilə xroniki xəstəliklərdə əsas səbəb iltihabdır. Məqsəd iltihaba səbəb ola biləcək faktorları aradan qaldırmaqdır. Bu məqsədlə bəzən pəhriz tənzimlənməsi, bəzən də dəstəkləyici müalicələrlə iltihabın qarşısı alınmağa çalışılır. Digər tərəfdən, tez-tez qarşılaşdığımız əhəmiyyətli bir xəstə qrupu menopauzada olan qadınlardır. Və çox üzücüdür ki, bir çox qadın heç bir dəstək olmadan menopauza dövrünü keçir və onların orqanizmindəki sürətli dəyişikliklər qadının psixoloji vəziyyətinin dəyişməsinə, depressiyaya düşməsinə səbəb olur. Funksional təbabət yanaşmasında daha çox menopauza zamanı qadınlara dəstəkləyici müalicə tövsiyə edilir və bioekvivalent hormonal müalicə qadının sosial həyatını dəstəkləyir, ruhi sıxıntıların, orqanizmin qocalmasının qarşısını alır.  

Dietologiya

  Diyetologiya - qidalanmanın sağlamlığımıza necə təsir etdiyini öyrənən elmdir. Elmi araşdırmalar göstərir ki, pəhrizimizdəki dəyişiklik piylənmə, diabet və ürək xəstəlikləri də daxil olmaqla müxtəlif sağlamlıq problemlərinin qarşısını almağa və ya nəzarət etməyə kömək edir. Mediada, sosial şəbəkələrdə pəhriz və qidalanma ilə bağlı çoxlu məsləhətlər var, lakin bunların hamısı sübuta əsaslanmır və nüfuzlu mənbələrdən olmaya bilər. Bununla belə, diyetoloqlar pəhriz və qidalanma problemlərini qiymətləndirən, diaqnoz qoyan və müalicə edən yeganə ixtisaslı sağlamlıq mütəxəssisləridir. Klinikamızın diyetologiya bölməsində ixtisaslı mütəxəssislər tərəfindən həyat keyfiyyətini artırmaq, artıq çəki – piylənmənin profilaktikası və müalicəsi həyata keçirilir. Dietologiya bölməsinin işləmə prinsipi Funksional – İnteqrativ Tibb Yanaşması üzrə aparılır. Funksional Tibb Yanaşması xroniki xəstəliklərin kök səbəblərini araşdıraraq, xəstəliyi deyil xəstəni – insanı müalicə etməkdir. Kök səbəblərin araşdırılması üçün müxtəlif funksional diaqnostik müayinə üsullarından istifadə edilir.   Anti – aging. Yaşlanma əleyhinə tibbi yanaşma dedikdə – Fizioloji, Foto və digər faktorlar nəticəsində meydana gəlmiş yaşlılıq əlamətlərindən tutmuş, xroniki, autoimmun xəstəliklər, onların profilaktikası və müalicəsi nəzərdə tutulur. Anti – aging təbabətini daxildən gələn gözəllik olaraq da adlandıra bilərik. Yaşlanma yaxud yaş aldıqca bir çox insanlarda rast gəldiyimiz xəstəliklər xronikidir və bu xəstəliklərin müalicəsində modern deyə adlandırdığımız klassik tibbi yanaşmalar effektsiz olur. Xroniki xəstəliklərdə effektiv olan son illərdə ABŞ, və Avropa ölkələrində geniş yayılmış “Funksional Tibb”, “Inteqrativ Tibb” yaxud “Holistik Tibb” yanaşmasıdır. Hərfi mənada “bütöv”, “tam”, “bütövə baxmaq” mənasını verən holistik yanaşma insanı mənəvi, fiziki və sosial mühiti ilə birlikdə bütöv hesab edir. Xəstəliyə deyil, xəstəyə diqqət yetirir. Orqanizmin ahəngdar fəaliyyətini pozan və xəstəliklərə səbəb olan amilləri araşdırır. Yalnız xəstəliyin əlamətlərini aradan qaldırmaq deyil, həm də problemlərin kökünə vararaq real və qalıcı müalicəni təmin etmək məqsədi daşıyır. Diaqnoz və müalicədə müasir və klassik təbabətin bütün imkanlarından yararlanmaqla yanaşı, yan təsirsiz alternativ üsullara da üstünlük verir. Həkim və xəstə arasında dostluq və etimada əsaslanan bərabərhüquqlu münasibətin qurulduğu, xəstənin maarifləndiyi və müalicə prosesində fəal iştirak etdiyi müalicə yanaşmasıdır. Klassik təbabət xəstəliyə yönəlmiş bir yolla getsə də, holistik tibb sağlamlığa yönəlmiş perspektivə üstünlük verir. Bu xüsusiyyətlərinə görə holistik tibb "fərdiləşdirilmiş" yanaşmaya uyğun bir müalicə üsuludur. Müasir təbabətin atası sayılan Hippokrat “İçimizdəki təbii müalicəvi güc ən mühüm şəfa mənbəyidir” deyir. Holistik həkimin vəzifəsi xarici bir terapevtik maddənin tətbiqindən əvvəl bu müalicəvi gücü aktivləşdirməkdir. Ən əsas prinsip xəstəyə zərər verməməkdir. Müalicə prosesində xəstənin maarifləndirilməsi və məsuliyyət daşıması holistik tibbin əsas prinsiplərindən biridir. Müalicədə elmi əsaslı və heç bir yan təsiri olmayan ənənəvi təbii müalicə modelləri ilə yanaşı, son elmi araşdırmalar da böyük sürət və effektivliklə istifadə olunur. Holistik tibb xəstəliyin əlamətlərini aradan qaldırmaqla yanaşı, problemlərin kökünə vararaq real və qalıcı müalicəni təmin etməyi hədəfləyir. O, xəstəliyin coğrafiyasından, yəni bədənin hansı nahiyəsində baş verməsindən daha çox xəstəliyin altında yatan əsas mexanizmdən bəhs edir. Ona görə də holistik həkimləri xəstəlik dedektivləri kimi qələmə vermək heç də yanlış olmaz. Anti-aging və regenerativ tibbdə daxili müalicə ilə yanaşı xaricdən yerli müalicələr də tətbiq edilir. CGF, PRP, Ozonoterapiya, mezoterapiya və digər müalicə üsulları kompleks müalicə problemin qısa zamanda, köklü həlli üçün olduqca vacibdir.

Fizioterapiya

  Fizioterapiya xəstəliklərin müxtəlif fiziki faktorlar istifadə etməklə müalicə üsuludur.  Fizioterapiya təbii amillərlə müalicə deməkdir. Bir çox xəstəliklərin profilaktikasında çox effektiv vasitə olan bu üsul bir qayda olaraq ağrısızdır. Ağır travmalar sonrası reabilitasiya və xroniki iltihabı proseslər zamanı fizioterapiya müalicənin ayrılmaz hissəsidir. Fizioterapiya həm bütün orqanizmə, həm də ayrı-ayrı nahiyələr üçün tətbiq oluna bilər. Hansı prosedurun olacağı pasientin yaşından, xəstəliyin dərəcəsindən asılıdır. Ən son avadanlıqlarla təchiz olunmuş Fizioterapiya bölməmizdə çalışan mütəxəssislərimiz dünyanın bir sıra aparıcı ölkələrində tibbi təhsil almış və uzunmüddətli ixtisasartırma kurslarında bilik və bacarıqlarını təkmilləşdirmişlər. Ən yüksək keyfiyyətləri özündə cəmləşdirən peşəkar həkimlərimiz tərəfindən aparılan müalicələr klinik protokollara uyğun, kompleks şəkildə, müasir fizioterapiyanın ən yeni metodları vasitəsi ilə həyata keçirilir. Klinikamızın fiziki təbabət və reabilitasiya həkimləri tərəfindən təqdim edilən xidmətləri: Dayaq-hərəkət sistemi patologiyaları Fibromiyalgiya Oynaq xəstəlikləri Onurğa xəstəlikləri (bel və boyun disk yirtıqları, protruziyalar) Vertiqo (başgicəllənmə) Reabilitasiyası Çənə-Oynaq Xəstəlikləri Reabilitasiyası Revmatik Xəstəliklər (Revmatoid artrit, Spondiloartropatiyalar) Pelvik (sidik kisəsi) Reabilitasiyası Osteoporoz Nevroloji Reabilitasiyası Ortopedik Reabilitasiyası Pediatrik Reabilitasiyası Quru İynələmə Nevral Terapiya Oynaqdaxili inyeksiyalar Viskosuplementasiya (oynaqdaxili hialuron turşusu və steroid inyeksiyası) PRP (Trombositlə Zəngin Plazma) ilə oynaqdaxili inyeksiya Kinezioteypinq (Kinezioloji sarğılama müalicəsi) Günümüzdə fizioterapiya müalicəsi ən təhlükəsiz müalicə vasitəsi hesab edilir. Müalicə xəstələrin sağalmasına müxtəlif idman hərəkərlərinin tətbiqi ilə fayda verir. Fizioterapiya bir çox xəstəliklərdə tətbiq olunur. – Tənəffüs sistemi – bronxit, pnevmoniya, astma və s.; – Lor xəstəlikləri – rinit, otit, tonzillit, faringit, laringit və s.; – Stomatoloji xəstəliklərdə; – Oftalmoloji xəstəliklərdə; – Uroloji xəstəliklərdə; – İnfeksion xəstəliklərdə – parotit, angina, kəskin respirator xəstəliklər; – Oynaq, onurğa birləşdirici toxuma xəstəlikləri – osteoartroz, podaqra, artrit, osteoxondroz, onurğanın degenerativ dəyişikliyi, protruziya, yırtıq, travmatik zədələnmə, fibromialgiya, postur pozğunluğu, oskut-şlatter xəstəliyi və s; – Yanıq; – Dəri xəstəliklərində; – Sinir-əzələ xəstəliklərində – nevroz, miqren, reyno xəstəliyi, miopatiya, miostimulyasiya, parez və s.; – Pediatrik xəstəliklərdə – enurez, raxit, skolioz, kifoz, lordoz, tez-tez xəstələnən uşaqlar, uşaq serebral iflicləri və s.   Fizioterapiyanın effektliyi: Dərman xəstəliyi və allergiya törətmir. Fizioterapiyanın müalicə imkanları çox genişdir və müalicənin müddətini qısaldır. Fizioterapiyanın qeyri-invaziv üsulla aparılması da bu metodun üstünlüyündən xəbər verir. Bu müalicə metodu ilə xroniki xəstəliklərin remissiya dövrünu uzatmaq, bilavasitə patoloji prosses nahiyyəsinə təsir göstərmək mümkündür. İstifadəsi əhalinin əksəriyyəti tərəfindən əlverişlidir.

Qastroenterologiya

Qastroenterologiya həzm traktının ağızdan başlayaraq qida borusu, mədə, nazik bağırsaq, yoğun bağırsaq, qaraciyər, öd yolları və mədəalətı vəzi xəstəlikləri ilə məşğul olan bölmədir. Qastroenterologiya bölümü müxtəlif həzm sistemi xəstəliklərinin diaqnozu və müalicəsi ilə məşğul olur. Qastroenterelogiyada xəstələrə diaqnoz və müalicə xidmətləri göstərilməkdədir. Diaqnozda istifadə olunan üsullar ümumilikdə endoskopik üsullardır. Bu üsullardan həzm sisteminin üst hissəsinin yoxlanışı–qastroskopiya, yoğun bağırsaq yoxlanışı-kolonoskopiya adlanir. Bu diaqnoz üsulları hal-hazırki dövrümüzdə kamera vasitəsilə həyata keçirilir. Xəstəyə ucunda kamera olan zond daxil edilərək müayinələr həyata keçirilir. Qastroskopiya və kolonoskopiya müayinəsi zamanı xəstə fiziki və psixoloji cəhətdən narahat olmaması üçün müayinə sedasiya ilə həyata keçilir. Sedasiya zamanı xəstə yatırılır və müayinə zamanı heç bir narahatlıq keçirmir. Bir çox həzm sistemi xəstəliklərində oxşar simptomlar vardır. Qastroenterologiya bölməsinin məşğul olduğu xəstəliklər ümumiyyətlə yayılmış xəstəliklərdir. Həzm traktı ağızdan başlayaraq, anus dəliyinə qədər davam edir. Bu trakt udlaq, qida borusu, mədə, bağırsaqlar, qaraciyər, öd kisəsi, mədəaltı vəzi, rektum və anal kanalı əhatə edir. Bu xəstəliklərin müayinəsi, diaqnozu və müalicəsi peşəkar həkimlər tərəfindən aparılmalıdır. Bu xəstəliklərin çoxu ümumilikdə yaşayış tərzini dəyişməklə azaldıla bilər. Bundan başqa bağırsaq alışqanlıqlarının dəyişdirilməsi, bağırsaq hərəkətinə mane olan problemlərin aradan qaldırılması və hər il vaxtlı-vaxtında xərçəngönü testlər və müayinələrdən keçməklə erkən diaqnozla müalicə edilə bilər.  Qastrointestinal sistem xəstəlikləri Qastrointestinal sistemin ilk qismi olan ezofaqus (qida borusu) xəstəlikləri-mədədə yanma hissi, udmada çətinlik və ağız qoxusu kimi simptomlarının səbəbi ola bilər. Reflü başda olmaqla, qida borusu ilə əlaqəli qanama və ya yad cism qaynaqlı ezofaqus yaralanmalarında, təmizləyici və dezinfeksiyaedici kimi kimyəvi maddələrin vurduğu ziyanlardan əmələ gələn qida borusu xərçəngi kimi ciddi xəstəliklərdə diaqnoz və müalicə qastroenteroloqlar tərəfindən həyata keçirilir. Mədə xəstəlikləri Mədədə narahatlıq sıx-sıx görülən xəstəliklər arasında yer tutmaqdadır. Davamlı fəaliyyət halında olan mədənin bir çox fərqli xəstəlikləri ortaya çıxa bilər. Qarın ağrısı və mədə qıcqırması kimi şikayətlərə bağlı olaraq qastrit, xora reflü, mədə xərçəngi kimi xəstəliklərin diaqnozu və müalicəsi edilməkdədir. Bağırsaq xəstəlikləri Bağırsaq və rektuma təsir edən bir çox fərqli xəstəlik vardır. Bağırsağın funksional pozğunluqları yəni düzgün istiqamətdə işləməsi vəziyyətində xəstəliklər meydana çıxa bilər. Bunlar kolit, poliplər, qıcıqlanmış bağırsaq sindromu, anal çatlar, qəbzlik, hemorroid, abses və ya bağırsaq xərçəngidir. Bağırsaq xəstəliklərinin bir çox diaqnozunda kolonoskopiya müayinəsi edilsə də fərqli diaqnoz üsullarına da üstünlük verilir. Xəstəlik diaqnozu qoyulduqdan sonra həkim tərəfindən uyğun müalicəyə başlanır.   Rektum xəstəlikləri. Rektum xəstəlikləri tez-tez görülən xəstəliklər arasında yer almaqdadır. Bunlardan ən çox rast gəlinənlər hemoroid və hemoroidə bağlı qanamalar, anal fissür, anal qaşıntı, anal fistül və abseslərdir.   Qaraciyər, Öd və Mədəaltı vəzi Xəstəlikləri. Qaraciyər xəstəlikləri son dərəcə önəmli xəstəliklər arasında yer almaqdadır. Qastroenteroloqların ən çox qarşılaşdığı xəstəliklərdir. Bunlar qaraciyər sirrozu, portal hipertenziya, qaraciyər xərçəngi, xoşxassəli qaraciyər şişləri, hepatit A, hepatit B, hepatit C və hepatit D kimi xəstəliklərdir. Öd xəstəlikləri də qaraciyər və mədəaltı vəzlə bağlantılı irəliləyən xəstəliklər arasında yer almaqdadır. Öd yollarında irəliləyən bəzi xəstəliklər isə öd kisəsi daşı, öd kisəsi iltihabı, öd kisəsi polipi, öd yolunda meydana gelen travmalar və ya darlıqlar və öd kisəsi şişləridir. Bu qrupa mədəaltı vəzlə bağlı əmələ gələn xəstəliklər də daxildir. Bədən daxilində önəmli hormonlar olan insulin və glükagon hormonları mədəaltı vəzdə hazırlanır. Hər hansı bir səbəblə mədəaltı vəzin götürülməsi halında bədən artıq bu hormonları əmələ gətirə bilməz. Bu səbəblə mədəaltı vəzi çıxarılmış insanların buna diqqət etməsi lazımdır. Pankreasa bağlı əmələ gələn bəzi xəstəliklər isə kəskin pankreas və xroniki pankreas infeksiyası və pankreas xərçəngidir. Qastroenterologiyada bu xəstəliklərin gedişatına görə diaqnoz və müalicə çalışmaları planlanır. Qastroentereologiyada ehtiyac olduğu halda bir çox fərqli diaqnostik üsullara əl atılır.

Endoskopiya

“Endoskopiya" termini iki yunan sözündəndir - endos (daxili) və skopeo (müşahidə et, bax). Endoskopiya — həzm traktını vizual olaraq müayinə etmək üçün istifadə olunan bir prossedurdur. Endoskopiya zamanı həkim həzm sisteminin bütün orqanlarını yaxından görə və orqanlarda tekstura dəyişikliklərinin olub-olmadığını müəyyən edə bilir. Xəstə sedasiya altında olarkən həyata keçirilən bu prosedur zamanı xəstə heç bir ağrı və narahatlıq hiss etmir. Endoskop uzun kabel ilə monitora qoşulmuş miniatür video kameradır. Həkim endoskopu xəstənin bədəninə bu və ya digər təbii açılış vasitəsilə daxil edir. Cihazı hərəkət etdirərək həkim ekrandakı təsviri araşdırır və selikli qişaların vəziyyəti haqqında tam və etibarlı məlumat alır. Lazım gələrsə, histoloji müayinə üçün toxuma parçası götürülə bilər. Toplanmış məlumatlar bizə patologiyaların olub-olmamadığı barədə nəticə çıxarmağa, dəqiq diaqnoz qoymağa və müalicəni təyin etməyə imkan verir. Xəstələrin mövcud şikayətləri və ya mövcud xəstəlikləri ilə əlaqədar inkişaf edə biləcək şərtləri həll etmək üçün müxtəlif növ endoskopiya tələb oluna bilər. Bədənin müxtəlif hissələri üçün müxtəlif endoskopiya növləri mövcuddur. Tətbiq bölgələri fərqli olsa da, tətbiqin əsas məqsədi və istifadə olunan cihazlar oxşardır. Endoskopiya proseduru necə həyata keçirilir? Müayinənin ardıcıllığı xəstəyə hansı növ endoskopiyanın göstərildiyindən asılıdır. Belə ki, qastroskopiya ilə endoskop - naqillə monitora qoşulmuş miniatür kamera ağız və yemək borusu vasitəsilə mədəyə daxil edilir. Tıxac refleksinin intensivliyini azaltmaq, nazofarengeal əzələləri rahatlaşdırmaq və narahatlığı azaltmaq üçün həkim dilin və boğazın kökünə lokal anestezik sprey tətbiq edə bilər. Prosedur cəmi bir neçə dəqiqə çəkir. Bu müddət ərzində endoskopist selikli qişanın aydın, ətraflı təsvirlərini alır, diaqnoz qoymağa imkan verir və lazım olduqda toxuma nümunələri götürülür. Ağciyərləri və bronxları araşdırarkən, endoskop yumuşaq bir şəkildə qırtlaqdan daxil edilir.

Kolonoskopiya

Kolonoskopiya yoğun bağırsağın arxa keçəcəkdən kor bağırsağa qədər borulu alətlə müayinəsi deməkdir. Bağırsaqların müayinəsi endoskopik prosedurlara aiddir, istifadə edilən alət isə kolonoskop adlanır. Bu, optik hissədən və işıq mənbəyindən ibarət olan güzgülü alətdir. Bu optik sistem bağırsağın daxili səthini işıqlandırmağa və ona birbaşa yaxud monitorda (videoendoskop) baxmağa imkan verir. Bundan başqa, maşayabənzər alətlə bağırsağın selikli qişasından kiçik toxuma nümunələri də götürmək (Biopsiya) və onu mikroskop altında müayinə etmək mümkündür. Tələb olunarsa nazik bağırsağın son santimetrlərinə də baxmağa cəhd etmək olar. Əgər yoğun bağırsağın bütün hissələrinə deyil, yalnız bağırsağın aşağı hissəsi olan düz bağırsağa baxılırsa, bu halda söhbət Rektoskopiyadan (düz bağırsaqın müayinəsi) gedir. Bağırsağın müayinəsi həm ambulator şəraitdə, əksər hallarda daxili xəstəliklər üzrə ixtisaslaşmış müayinəxanada, yaxud da stasionar şəraitdə həkim-qastroenteroloq tərəfindən aparılır. Kolonoskopiyaya bir neçə gün qalmış karbohidratlarla zəngin qidalar (məs., kəpəkli undan bişirilmiş çörək, kivi, üzüm) qəbul olunmamalıdır. Müayinəyə 24 saat qalmış ağır yeməklər yeyilməməlidir. Daha çox maye qəbulu (məs., su, çay) tövsiyyə olunur.   Hansı hallarda kolonoskopiya aparılır? Birinci dərəcə qohumlarda kolon xərçəngi və ya kolon bağırsaq polipinin müəyyən edilməsi Nəcisdə qan Qanazlığı və dəmir çatışmazlığı Bəzi xroniki xəstəliklər İltihablı bağırsaq xəstəlikləri Defekasiya aktında ciddi dəyişikliklər Qəbizlik və ya ishal Kilo itkisi Uzun müddətli qarın ağrısı Poliplərin erkən diaqnozu müalicə üçün böyük əhəmiyyət daşıyır. Polip, bağırsağın içərisində inkişaf edən kiçik formalardır. Bunlar zaman ötdükcə böyüyüb, xərçəng olma riski daşıyır. Əgər poliplər tez aşkar edilirsə və çıxarılarsa, poliplərin səbəb olacağı kolon xərçənginin qarşısı alınmış olur.  Nəcisdə qan hər zaman xərçəng olacaq demək deyil, babasil də ola bilər. Ancaq bunun düzgün müəyyən edilməsi üçün mütləq həkimlə məsləhətləşmək lazımdır.    

Biorezonans Terapiya

Terapiya (therapeia) – yunan sözüdür, qulluq etmə, müalicə etmə deməkdir. Terapevt daxili orqanların diaqnostika, müalicə və profilaktikası ilə məşğul olan həkimdir. Terapiya qeyri-cərrahi təbabətin geniş sahəsini əhatə edir. Terapiya bölməsində daxili orqanların diaqnostikası, müalicə və profilaktikası aparılır. Qeyd etmək istərdik ki, terapevt pasiyentin müraciət etməli olduğu ilk həkimdir. O, pasiyentin şikayətlərini dinləyir, xəstəliyin tarixi, pasiyentin həyat tərzi, irsiyyəti, keçirdiyi xəstəliklər və allergik reaksiyalarının olması barədə suallar verir. İlkin baxış mərhələsindən (pasiyentin mövcud vəziyyətini qiymətləndirir, dəri örtükləri və selikli qişalarını nəzərdən keçirir, nəbz və arterial təzyiqini ölçür, ürəyinə və ağciyərlərinə qulaq asır və s.) sonra pasiyentə lazım olduğu təqdirdə şikayətə uyğun müvafiq əlavə müayinələr (laborator, rentgenoloji, sonoqrafik, endoskopik, elektrofizioloji və s.) təyin edilir. Terapevt xəstəni müxtəlif ixtisaslı mütəxəssislərin müayinəsinə göndərsə də, bütün rəyləri nəzərə alaraq, nəticədə müalicə üsulunu özü müəyyənləşdirir. Terapiya müxtəlif sahələrə bölünür: Ürək-damar xəstəlikləri (revmatizm, hipertoniya xəstəliyi, aritmiyalar, ürək çatışmazlığı və s.), Tənəffüs orqanları xəstəlikləri (qrip, traxeit, bronxit, pnevmoniya, bronxial astma, ağ ciyərlərin xroniki obstruktiv xəstəlikləri və s.) Mədə-bağırsaq sistemi xəstəlikləri (qastrit, mədə və onikibarmaq bağırsağın xora xəstəliyi, kolit və s.) Revmatik xəstəliklər (birləşdirici toxumanın sistem xəstəlikləri, artroz, artrit və s.) İfrazat sistemi xəstəlikləri (qlomerulonefrit, börəklərin digər autoimmun patologiyalar nəticəsində zədələnmələri və s.) Endokrinoloji xəstəliklər (şəkərli diabet, tireoid xəstəlikləri) və s. Terapiya bölməsində bütün müayinə və müalicə sahələri üzrə individual proqrama əsasən xidmətlər göstərilir, o cümlədən pulmonoloji, endokrinoloji, qastroentoroloji, nevroloji, nefroloji, revmatoloji, allerqoloji, dermatoloji və digər sahələr üzrə tibbi xidmətlər göstərilir.

Dermotoloji

Kosmetoloji